EBONY WAFANYA “KUFURU” YA MWAKA

WATANGAZAJI na wanahabari wa kituo cha radio cha Ebonby Fm, cha Iringa, kituo kinachorusha matangazo yake katika mikoa zaidi ya sita nchini, wamesherekea kutimiza miaka 8 ya uwepo wa redio hiyo hewani.

Hafla hiyo iliyofanyika katika Club ya La- Part ukumbi wa burudani wa kisasa uliopo eneo la Gangilonga,  manispaa ya mji wa  Iringa.

Sherehe hiyo ilikuwa ya aina yake, huku watangazaji, wanahabari, na wafanyanyakazi wa kada mbalimbali pamoja na baadhi ya wadau wa redio hiyo.

Sherehe hiyo iliyokuwa chini ya mshereheshaji MC Bonny Zakaria Nyatoka “Bonny Slay” ambaye ndiye alikuwa mratibu wa sherehe, pia ilishereheshwa na “Sogg Dog Hanter” maarufu kwa jina la Kibanda cha Simu ambaye aliipamba sherehe hiyo kwa rafudhi ya Kichaga.

Baadhi ya wafanyakazi wa kike waliong’ara kwa mavazi yenye nakshi zenye mvuto na zinazokwenda na wakati ni Neema Msafiri, Aisha Sandiga, Glory Pelle, Gracy Mwabulesi, Tinna a.k.a “Tinatinna” Bertha Denis, Kabulah, Farida Ismail nk.

Kwa upande wa baadhi ya watumishi wa kiume ni Austine Nyondo, Reymond Chali, Eddo Bashiri, Abery Mponela, Dr. Joh, DJ Kwasa, na mdau ninayemkumbuka Danny Manjiwa, ambapo katika sherehe hiyo kuliluwa na vinywaji vya kila aina.

Uzuri wa sherehe walisema waswahili ni Chakula na vinywaji, sherehe hii ilikuwa na vyakula na vinywaji ambavyo wanywaji na walaji, mabibi na mabwana walikula na kusaza, huku wakijisuuza kwa muziki na disco la nguvu, lakukata na shoka”.

Kila La Kheri miaka 8000 Ebony fm na maisha marefu yenye Baraka kuifikia mikoa yote ya TANZANIA, ili kutimiza lengo la Kuhabarisha, Kuelimisha, Kuburudisha – Kufundisha na Kuonya, kwa kuwatoa watu Polini na kuwasogeza Barabarani.

MWISHO

.