WALE MAJAMBAZI WALIOKAMATWA ZANZIBAR WAMEFARIKI DUNIA,UTARATIBU MPYA UKO HAPA

Watuhumiwa wawili wa ujambazi waliokamatwa Zanzibar juzi na kupigwa na wananchi na askari wa Kikosi cha Kupambana na Ujambazi, wamefariki dunia wakati wakiwahishwa katika Hospitali ya Rufaa ya Mnazi Mmoja, Zanzibar kwa matibabu.

Mkuu wa Upelelezi na Makosa ya Jinai Mkoa wa Mjini Magharibi Unguja, Simon Pasua alisema jana kuwa mmoja wa marehemu hao, Khamis Othman Mzee (45), mkazi wa Matale, Mji mdogo wa Chakechake Pemba ametambuliwa na ndugu zake.

 

Alisema marehemu mwingine aliyejulikana kwa jina la Khamis Mabunduki ambaye alikuwa mshtakiwa maarufu kwa kufunguliwa kesi za ujambazi, hajatambuliwa.

 

Pasua alisema polisi walipata taarifa kutoka kwa Wakala wa Tigo Pesa kuwa ameporwa mfuko uliokuwa na simu sita aina ya Tecno katika mtaa wa Mnazi Mmoja na watu waliokuwa katika gari aina ya Noah na kutoweka.

Alisema baada ya kupokea taarifa hizo, walifungua jalada na kuwasaka watuhumiwa hao.

 

Alisema majambazi hao waliowakamata saa 8.00 mchana, kabla ya kukamatwa walikuwa wanawakimbia kwa kuendesha gari kwa kasi na hatimaye waliwagonga watu wanne katika Manispaa ya Mji wa Zanzibar.

 

Alisema walipowakamata na kupekua gari lao walikuta bunduki aina Rifle iliyokatwa kitako, risasi 33 na magamba saba yaliyokuwa tayari yametumika, mapanga mawili na simu za mkononi.
Chanzo:Mwananchi